Super User
Vel augue aenean scelerisque sagittis vehicula turpis egestas lobortis condimentum vitae purus cursus, ullamcorper primis vulputate pellentesque scelerisque nullam etiam donec massa quisque.
မုလ်ၼိထိ မႅပ်ႇ
ပုၼ်ႈတႃႇၵေႃႉဢၼ်ပႆႇယၢမ်ႈငိၼ်းၸိုဝ်ႈ ပႆႇယၢမ်ႈႁူႉၸၵ်း မုလ်ၼိထိ မႅပ်ႇ ၼၼ်ႉ ႁႂ်ႈလႆႈယွၼ်း
ၵပ်းသိုပ်ႇပၼ် ပွတ်းဢွၼ်ႇတွၼ်ႈၼိုင်ႈ ၼႆဢေႃႈ။
မုလ်ၼိထိ မႅပ်ႇ ဢမ်ႇၼၼ် ၶေႃႈၵႂၢမ်းဢၼ်ဝႃႈ ‘‘မႅပ်ႇ’’ ၼႆႉ လုၵ်ႉတီႈၵႂၢမ်းယေႃႈဢင်းၵိတ်း
MAP (Migrant Assistance Programme ဢၼ်ဝႃႈၼၼ်ႉမႃးသေ မီးတီႈပွင်ႇဝႃႈ ‘‘ၶူင်းၵၢၼ်ၸွႆႈထႅမ်ပုၼ်ႈတႃႇႁႅင်းၵၢၼ်ယၢၼ်မိူင်း’’ ၼႆယဝ်ႉ။
ယွၼ်ႉပိူဝ်ႈလႆႈႁူပ်ႉႁၼ်ပွင်ႇၸႂ်ၼိူဝ်တၢင်းယၢပ်ႇၽိုတ်ႇပီႈၼွင်ႉၵူၼ်းႁဵတ်းၵၢၼ် ဢၼ်ပၢႆႈယၢၼ်
ၶဝ်ႈမႃးၼႂ်းမိူင်းထႆး လႄႈ ၼင်ႇႁိုဝ်တေၵမ်ႉထႅမ်တူၺ်းထိုင်ၵၼ်လႆႈၼၼ်ႉ ၸင်ႇတႄႇတင်ႈၶွတ်ႇၽွတ်ႈ
ပဵၼ်မႃး ‘‘ၸုမ်းမႅပ်ႇ’’ မိူဝ်ႈပီႊၶရိတ်ႉ 1997။
ထိုင်မႃးပီၶရိတ်ႉ 2002 လိူၼ်ၼူဝ်ႇဝႅမ်ႇပိူဝ်ႇ ‘‘ၸုမ်းမႅပ်ႇ’’ လႆႈတၢင်ႇမၢႆၾၢင် (ၶိုၼ်ႈထပဵၼ်း)
သေ ပဵၼ်မႃးၸုမ်းဢၼ်ၶဝ်ႈၶႂၢင်ႇတြႃးမၢႆမီႈမိူင်းထႆး လႄႈၸိုဝ်ႈၸုမ်းၵေႃႈ လႅၵ်ႈလၢႆႈပဵၼ်
‘‘ၶူင်းၵၢၼ်ပၢႆးယူႇလီ လႄႈပၼ်တၢင်းႁူႉႁႅင်းၵၢၼ်ၸၢဝ်းၶိူဝ်း’’
ၼႆယဝ်ႉ။ ၼင်ႇႁိုဝ်တေတွင်းငႆၢႈ လႄႈ ႁွင်ႉၵေႃႈငႆၢႈၼၼ်ႉ ႁဝ်းၶႃႈႁွင်ႉပွတ်းပွတ်း ဝႃႈ (မုလ်ၼိထိ မႅပ်ႇ ) ၼႆယဝ်ႉ ။
လွင်ႈတူင်ႉၼိုင် မုလ်ၼိထိ မႅပ်ႇ
ပိုၼ်ၽႄႈတၢင်းႁူႉ ပၼ်တၢင်းၶႆႈၸႂ် ၵဵဝ်ႇလူၺ်ႈသုၼ်ႇလႆႈသုၼ်ႇပဵၼ်ႁႅင်းၵၢၼ်၊ သုၼ်ႇလႆႈသုၼ်ႇ
ပဵၼ်ၼၢင်းယိင်း၊ ၵဵဝ်ႇလူၺ်ႈ လွင်ႈပၵ်းပိူင်မၢႆမီႈ၊ ပိုၼ်ႉႁူႉၵႅမ်တူဝ် ပၢႆးယူႇလီ ဢၼ်ပႃးတင်းပိုၼ်ႉ
ႁူႉလွင်ႈ HIV/AIDS ဢဵတ်ႇသ်၊ ၸွႆႈသူင်ႇၵူၼ်းပဵၼ် ဢၼ်ဢမ်ႇမီးတီႈပိုင်ႈဢိင် ဢမ်ႇမီးပီႈၼွင်ႉ၊ ဢမ်ႇ
မေႃၵႂႃႇမႃးၼၼ်ႉ ၵႂႃႇထိုင်တီႈႁွင်ႈယႃႁူင်းယႃ၊ ပေႃးလူဝ်ႇၵေႃႈ ပိၼ်ႇၽႃႇသႃႇပၼ် ၽၢႆႇတႆး၊ မၢၼ်ႈ၊
ယၢင်း၊ လႃးႁူႇ လႄႈ ဢႃးၶႃႇၸိူဝ်းၼႆႉယဝ်ႉ။
ၼင်ႇႁိုဝ်တေပိုၼ် ႄၽႈပိုၼ်ႉႁူႉ ၼင်ႇၵႃႈဝႃႈမႃးပႃႈၼိူဝ်ၼႆႉ
- ဢိတ်ႇဢွၵ်ႇပပ်ႉလိၵ်ႈ မိူၼ်ၼင်ႇ ပပ်ႉပိုၼ်ႉႁူႉၵႅမ်တူဝ်၊ ဝႂ်ပိဝ်၊ ပၢႆႉလိၵ်ႈ (ပူဝ်ႇသတိူဝ်ႇ) ပဵၼ်ၽႃႇသႃႇၽၢႆႇမၢၼ်ႈ၊ ၽၢႆႇတႆး၊ ၊ လႄႈၶေႃႈပိုၼ်ၽၢဝ်ႇ ဢမ်ႇၼၼ် ၶေႃႈပူၵ်းတိုၼ်ႇ ဢၼ်ပဵၼ်ၽႃႇသႃႇၽၢႆႇဢင်းၵိတ်ႉ ႄလႈ ၽႆၢႇထႆး ၸိူဝ်းၼၼ်ႉလႂ်၊
- ပဵၼ်တီႈတိူင်ႇပၢင်ႇ ပၼ်တၢင်းၶႆႈၸႂ်လႂ်၊ ႁဵတ်းပၢင်ႁူပ်ႉထူပ်းလႅၵ်ႈလၢႆႈတၢင်းႁၼ်ထိုင် ၼႂ်း
ၸုမ်းၵူၼ်းႁဵတ်းၵၢၼ်ၼင်ႇၵၼ်၊ ၼၢင်းယိင်းၼင်ႇၵၼ်၊ ၵူၼ်းၸပ်းၸိူဝ်ႉမႅင်းဢဵၵ်ႉၶျ်ဢၢႆႇဝီႇ
တၢင်းပဵၼ်ဢဵတ်ႇသ် ၼင်ႇၵၼ်လႂ်၊ ပိုတ်ႇပၢင်သွၼ်ပိုၼ်ၽႄႈပိုၼ်ႉႁူႉၶၢဝ်းပွတ်းလႂ်၊ လူင်းပိုၼ်ႉ
တီႈလႅၵ်ႈလၢႆႈတၢင်းႁၼ်ထိုင် ၽဝႃႉႁႅင်းၵၢၼ်လႂ်၊
- ၶပ်ႉၶိုင်ပိုၼ်ဢွၵ်ႇ ၶႅပ်းၽႅၼ်ႇႁၢင်ႈသဵင် လႄႈပွႆႇသဵင်ပၼ် ၼႂ်းသၢႆလူမ်း ရေႇတီႇယူဝ်ႇ ၽႃႇသႃႇ
ၽၢႆႇယၢင်း၊ ရၶႅင်ႇ ၊ ၽၢႆႇမၢၼ်ႈ၊ ထႆး လႄႈ ၽၢႆႇတႆး တီႈၵဵင်းမႆႇ FM 99 MHz တီႈမႄႈသွတ်ႇတႄႉ FM 102.5 MHz ၸိူဝ်းၼႆႉယဝ်ႉ။
လၢႆးၵၢၼ် - သဵင်ဝၢၼ်ၵႂၢမ်းတႆး
ၸတ်းလူၺ်ႈ - ၸၢႆးထူဝ်ႉ
ဝၼ်းၽတ်း၊ၶၢဝ်းယၢမ်း 18.00 – 19.00
MAP Radio, FM 99 MHz
လၢႆးၵၢၼ် - သဵင်ၶၢဝ်ႇတူဝ်ႈမိူင်း
ၸတ်းလူၺ်ႈ - သၢႆမွၵ်ႇႁွမ်
ဝၼ်းဢင်းၵၢၼ်း၊ - ဝၼ်းသုၵ်း၊ ၶၢဝ်းယၢမ်း - 19.00 – 20.00
MAP Radio, FM 99 MHz
