ၸွမ်းၼင်ႇပၵ်းပိူင်တမ်ႇရူတ်ႇၵူတ်ႇၸႅတ်ႈၵူၼ်းၶဝ်ႈမိူင်း ၸိုင်ႈထႆး ပီ 2522 လႆႈမၵ်းမၼ်ႈတမ်းဝၢင်း ဝႆႉၼၼ်ႉ သင်ဝႃႈပဵၼ်ၵူၼ်းၼွၵ်ႈမိူင်း  ဢမ်ႇၼၼ် ႁႅင်းၵၢၼ်ယၢၼ်မိူင်း ၸိူဝ်းလႆႈၶႂၢင်ႉယူႇ တီႈၼႂ်းမိူင်းထႆး ၸူဝ်ႈၶၢဝ်းၼၼ်ႉ သင်လႆႈယူႇပူၼ်ႉ 90 ဝၼ်းယဝ်ႉၼႆ

တၵ်းတေလႆႈပွင်ႇၶၢဝ်ႇ လၢႆးငၢၼ်းတူဝ်တီႈ ၸဝ်ႈၼႃႈတီႈတမ်ႇရူတ်ႇတေႃးမေႃး သၢမ်လိူၼ် 1 ပွၵ်ႈ ဢမ်ႇၼၼ်ႉ 90 ဝၼ်းၼိုင်ႈပွၵ်ႈၼၼ်ႉယဝ်ႉ။

လွင်ႈလၢႆးငၢၼ်းတူဝ်ၼၼ်ႉ ၸဝ်ႈၵဝ်ႇၵႂႃႇလၢႆးငၢၼ်းတူဝ် ႁင်းၵူၺ်း ၵေႃႈလႆႈ ဢမ်ႇၼၼ် မွပ်ႈမၢႆဢမ်းၼၢတ်ႈပၼ်တီႈတူဝ်တႅၼ်း ၵႂႃႇလၢႆး ငၢၼ်းပၼ်ၵေႃႈလႆႈ။ တေၸၢင်ႈလၢႆးငၢၼ်းတူဝ်ၵွၼ်ႇ 15 ဝၼ်း ဢမ်ႇၼၼ် လင် 7 ဝၼ်း မိူဝ်ႈၶွပ်ႈတဵမ် 90 ဝၼ်းၼၼ်ႉယဝ်ႉ။

သင်ၸိူဝ်ႉဝႃႈ ၸဝ်ႈၵဝ်ႇလႆႈတူၵ်းလိုၼ်း ပူၼ်ႉၶၢဝ်းယၢမ်း တီႈပိူၼ်ႈ မၵ်းမၼ်ႈဝႆႉၼႆ ၸဝ်ၵဝ်ႇတေလႆႈ ၺႃးမၢပ်ႇမႂ်ငိုၼ်း ၼိုင်ႈၵမ်းလႂ် 2,000 ဝၢတ်ႇၼၼ်ႉယဝ်ႉ။

ၽိုၼ် (ဢေႇၵသၢၼ်) ဢၼ်လူဝ်ႇလႆႈႁၢင်ႈႁႅၼ်း

(1) ၽိုၼ်ဢေႇၵသၢၼ် ဢၼ်လူဝ်ႇလႆႈထၢႆႇသေဢဝ်ႇၵႂႃႇ

- ထၢႆႇၼႃႈၽၢတ်ႉသပွတ်ႇ

- ထၢႆႇၼႃႈဝီႇၸႃႇ

- ထၢႆႇၼႃႈဝႂ်ႁွတ်ႈၽႅဝ် (Arrival Card)

- ထၢႆႇၼႃႈဝႂ်ၸႅင်ႈတီႈယူႇ

- ထၢႆႇၼႃႈဝႂ်ၶႂၢင်ႉႁဵတ်းၵၢၼ်

(2) ၽိုၼ်ဢေႇၵသၢၼ် ပေႃႈလဵင်ႉၼၢႆးၸၢင်ႈ

- ထၢႆႇၽိုၼ်မိူၼ် ဝတ်းဝႂ်ၼၢႆးၸၢင်ႈ

- ထၢႆႇၽိုၼ်မိူၼ် ဝႂ်မုင်ႉႁေႃႁိူၼ်း (ထပဵၼ်းဝၢၼ်ႈၼၢႆးၸၢင်ႈ)

- သင်ဝႃႈပဵၼ်ပေႃးရီးသတ်း ဢမ်ႇၼၼ် ၶမ်ႇပၼီႊၼႆ တေလႆႈမီးဝႂ်ႁပ်ႉႁွင်းၶမ်ႇပၼီႊပႃး

(3) ဢၼ်ၸဝ်ႈၵဝ်ႇတေလႆႈတႅမ်ႈလူင်းၼႂ်းဝႅပ်ႇၾွမ်းတေႃးမေႃး (TM. 47)

- ၸိုဝ်ႈတဵမ်

- ၸိူဝ်ႉၸၢတ်ႈ

- ဝၼ်းထိၸဝ်ႈၵဝ်ႇၶဝ်ႈမႃးမိူင်းထႆး

- မၢႆၽၢတ်ႉသ်ပွတ်ႇ

- မၢႆႁွတ်ႈၽႅဝ် (Arrival Card) 6 တူဝ်

- တီႈယူႇသဝ်းၼႂ်းမိူင်းထႆး

- ၸဝ်ႈၵဝ်ႇမႃးမိူင်းထႆးၸိူင်ႉႁိုဝ် (ၶီႇလူတ်ႉ ၊ ၶီႇၵႃး၊ ၶိူင်ႈဝိၼ်)

- မၢႆၾူၼ်းတီႈၵပ်းသိုပ်ႇ

- လၢႆးသဵၼ်းၸဝ်ႈၵဝ်ႇ