လွင်ႈႁဵတ်းႁၢႆႉၸႃႉ ၼႂ်းမုင်ႉႁေႃႁိူၼ်း

သင်ဝႃႈႁဵတ်းႁႂ်ႈၵူၼ်းၼႂ်းႁိူၼ်းႁဝ်းသေၵေႃႉၵေႃႉ ၸဵပ်း တုမ်ႉတိူဝ်ႉတီႈတူဝ်ၶိင်းလႂ် လွင်ႈပၢႆးၸႂ်လႂ် လွင်ႈၵႃႇမလႂ် ၸိူဝ်းၼႆႉ။ တူဝ်ယၢင်ႇမၼ်း ထုပ်ႉပေႃႉ၊ လႃႇသႂ်ႇၵမ်းယႂ်ႇၵမ်းလူင်၊ တဵၵ်းဢဝ်လွင်ႈၵႃႇမ မိူဝ်ႈဢမ်ႇၽွမ်ႉ ၸၵႂႃႇၸိူဝ်းၼႆႉ။
ၵူၼ်းၼႂ်းမုင်ႉႁေႃႁိူၼ်းႁဝ်း ဢၼ်ဝႃႈၼၼ်ႉ

1. ၸဝ်ႈၽူဝ်/ မေး
2. ဢမ်ႇလႆႈၸတ်းပၢင်ၶႅၵ်ႇၵူပ်ႉၵူႈၵၼ် ပဵၼ်တၢင်းၵၢၼ်သေတႃႉ ယူႇၸွမ်းၵၼ်ၼင်ႇၽူဝ်မေး ဢမ်ႇၼၼ် ပဵၼ်ၸူႉႁၵ်ႉၵၼ်
3. လုၵ်ႈလၢင်းဢွၵ်ႇတွင်ႉဢွၵ်ႇသႆႈ/ လုၵ်ႈၵဵပ်း။
4. ပဵၼ်မုင်ႉႁေႃႁိူၼ်းပိူၼ်ႈ/ တၢင်းၼွၵ်ႈ ၵူၺ်းၵႃႈ ယူႇႁူမ်ႈၵၼ်ႁိူၼ်းလဵဝ်၊ လုၵ်ႈလဵင်ႉ/လုၵ်ႈၸၢင်ႈ ဢၼ်ယူႇၼႂ်းႁိူၼ်းလင်လဵဝ်ၵၼ်တင်းၸဝ်ႈႁိူၼ်းၵေႃႈ သွၼ်ႇပႃးမိူၼ်ၵၼ်။

တူတ်ႈတၢမ်ႇလွင်ႈႁဵတ်းႁၢႆႉၸႃႉ ၼႂ်းႁိူၼ်းယေး

1. တၢမ်ႇတူၵ်းၶွၵ်ႈ ႁိုင်သုတ်း 6 လိူၼ်
2. တၢမ်ႇငိုၼ်း ၼမ်သုတ်း 6000 ဝၢတ်ႇ
3. တၢမ်ႇၶွၵ်ႈ တၢမ်ႇငိုၼ်း တင်းသွင်ပိူင်

သင်ၸိူဝ်ႉဝႃႈ မီးမၢႆမီႈ လွင်ႈႁဵတ်းႁၢႆႉၸႃႉ ၼႂ်းမုင်ႇႁေႃႁိူၼ်း တႅတ်ႈၼႅတ်ႈယဝ်ႉၼႆၸိုႀ် ယူႇတီႈငဝ်းလၢႆးဢၼ်ပဵၼ်မႃးၼၼ်ႉသေ ထုၵ်ႇလီတႅပ်းတတ်း ပၼ်တူတ်ႈတၢမ်ႇမၼ်းၵႂႃႇ။

မၢႆမီႈလွင်ႈႁဵတ်းႁၢႆႉၸႃႉ ၼႂ်းမုင်ႉႁေႃႁိူၼ်း

မၢတ်ႉတရႃ (5)

သင်ဝႃႈမီးၵူၼ်းၵေႃႉၼိုင်ႈ လႆႈႁၼ်တီႈႁိူၼ်းလင်ၼိုင်ႈ မီးလွင်ႈႁဵတ်းႁၢႆႉၸႃႉၼႂ်းမုင်ႉႁေႃႁိူၼ်းလႄႈသင် လႆႈႁူႉၸွမ်းလွင်ႈပဵၼ်လႄႈသင် မီးပုၼ်ႈၽွၼ်းတေလႆႈၸႅင်ႈ ၸဝ်ႈၼႃႈတီႈ။ ၸွမ်းၼင်ႇၸဝ်ႈၵဝ်ႇလႆႈႁူႉလႆႈႁၼ်လူၺ်ႈ လွင်ႈတၢင်းပဵၼ်မႃးၼၼ်ႉ တေလႆႈပွင်ႇလႅင်းထိုင် ၸဝ်ႈၼႃႈတီႈၽူႈမီးပုၼ်ႈၽွၼ်းၶဝ်။ လွၵ်းလၢႆးၸႅင်ႈၶၢဝ်ႇထိုင် ၸဝ်ႈၼႃႈတီႈၼႆႉ မီးယူႇလၢႆလၢႆး မိူၼ်ၼင်ႇ လၢတ်ႈၼႄ၊ တႅမ်ႈလိၵ်ႈသေတၢင်ႇလၢတ်ႈ၊ သူင်ႇတၢင်းဢီးမေးလ်၊ ၵပ်းသိုပ်ႇမၢႆၾူင်း 1300 ၵေႃႈလႆႈ။ လၢႆးၸိူဝ်းၼႆႉ သၢင်ႇထုၵ်ႇၸိူင်ႉႁိုဝ်ၵေႃႈ ၸႂ်ႉတိုဝ်းသေ တိတ်းတေႃႇတၢင်း ၸဝ်ႈၼႃႈတီႈဢိူင်ႇ၊ ၽၢႆႇၸွႆႈထႅမ်တူင်ႇဝူင်းၵူၼ်း လႄႈ ၽၢႆႇႁူမ်ႇလူမ်ႈ၊ ဢမ်ႇၼၼ် ၸဝ်ႈၼႃႈတီႈ ႁူင်းတမ်ႊႊရူတ်ႊ။

မၢတ်ႉတရႃႊ 6

ၽူႈၸႅင်ႈၶၢဝ်ႇ ထိုင်ၸဝ်ႈၼႃႈတီႈ ဢၼ်ၵဵဝ်ႇလူၺ်ႈ လွင်ႈႁဵတ်းႁၢႆႉၸႃႉၼႂ်းမုင်ႉႁေႃႁိူၼ်းၼၼ်ႉ မီးသုၼ်ႇႁဵတ်းလႆႈ မိူၼ်ႈၸိူင်ႉၼင်ႇလၢတ်ႈၼေပႃႈတႂ်ႈၼႆႉ

1. ၶဝ်ႈၵႂႃႇတီႈႁိူၼ်းလင်ၼၼ်ႉ ဢမ်ႇၼၼ် တီႈၼိုင်ႈ ဢၼ်ပဵၼ်လွင်ႈၶွင်ႈၶမ် ပၼ်ႁႃယူႇၼၼ်ႉလႆႈ၊ ၵူၼ်းၵေႃႉဢၼ်ႁဵတ်းႁၢႆႉ လႄႈ ၵေႃႉဢၼ်ထုၵ်ႇၺႃးလွင်ႈႁဵတ်းႁၢႆႉ ႁူမ်ႈပႃး ၽူႈပဵၼ်တူဝ်ထူပ်းတႃႁၼ် ၸိူဝ်းၼၼ်ႉ မၼ်းၶဝ်ႈၵႂႃႇတွင်ႈထၢမ်လွင်ႈတၢင်းမၼ်းလႆႈ။
2. မၼ်းၸၢင်ႈၸွႆႈ ၵေႃႉဢၼ်ထုၵ်ႇၺႃး ႁဵတ်းႁၢႆႉၼၼ်ႉ ၸိူင်ႉၼင်ႇဢွၼ်ၵႂႃႇႁႃမေႃယႃ တီႈၶလိၼ်းၼိၵ်ႉ၊ ၶပ်ႉၶိုင်တႃႇတေထူပ်း မုၵ်ႉၸုမ်းတူင်ႇဝူင်းၵူၼ်း၊ ပေႃးၸမ်ပဵၼ်ၼႆ ႁွင်ႉၵႂႃႇၸူးမေႃ ပၢႆးၸႂ်ၸိူဝ်းၼႆႉလႆႈ။
3. သင်ဝႃႈ ၵေႃႉၺႃးလွင်ႈႁဵတ်းႁၢႆႉၼႂ်းမုင်ႉႁေႃႁိူၼ်းၼၼ်ႉ ၶႂ်ႈတိူင်ႇၸဝ်ႈၼႃႈတီႈၼႆၸိုင် တွင်ႈထၢမ်ၶေႃႈမုၼ်းတဵမ်ထူၼ်ႈသေ ၸွႆႈထႅမ်တႃႇတေၸႅင်ႈၵႂၢမ်း ၸူးၸဝ်ႈၼႃႈတီႈလႆႈ။
4. သင်ဝႃႈ ၼၢင်းယိင်းၵေႃႉၺႃးလွင်ႈႁဵတ်းႁၢႆႉၼႂ်းမုင်ႉႁေႃႁိူၼ်းၼၼ်ႉ ႁၼ်ဝႃႈဢမ်ႇသၢင်ႇထုၵ်ႇ တႃႇတေၸႅင်ႈၵႂၢမ်းၼႆၸိုင် တၢင်တူဝ်မၼ်းၼၢင်း သေၵဵပ်းၶေႃႈမုၼ်းတဵမ်ထူၼ်ႈတၢင်ႇပၼ်ၵေႃႈလႆႈ။
5. ၵေႃႉၺႃးလွင်ႈႁဵတ်းႁၢႆႉၼႂ်းမုၼ်ႉႁေႃႁိူၼ်းၼၼ်ႉ မီးၶၢဝ်းယၢမ်း 3လိူၼ် တွၼ်ႈတႃႇႁၢင်ႈႁႅၼ်းလွင်ႈဢမု (ၶတီး)။ ပုၼ်ႈတႃႇလွင်ႈႁူမ်ႇလူမ်ႈၸဝ်ႈၵဝ်ႇၼၼ်ႉ ယွၼ်းတၢင်းၸွႆႈထႅမ်တီႈ ပရၵၼ်သင်ၶူမ်း၊ လုမ်းတြႃးၽၢႆႇၵူၼ်းၼုမ်ႇ လႄႈ မုင်ႉႁေႃႁိူၼ်း ဢၼ်ယူႇပႃႈတႂ်ႈ မၢႆမီႈႁပ်ႉႁွင်းလုမ်းလႃးတူၺ်းထိုင်ဝႆႉ လႄႈ လုမ်းတြႃးၽၢႆႇတတ်းသိၼ်မုင်ႉႁေႃႁိူၼ်းလႆႈ။
6. ၵၢၼ်ၵူတ်ႇၸႅတ်ႈၼၼ်ႉ ႁႂ်ႈၸဵဝ်းၵပ်းသိုပ်ႇတိတ်းတေႃႇ ပဵၼ်တၢင်းၵၢၼ်တီႈၸဝ်ႈၼႃႈတီႈသေ တေလႆႈသူင်ႇလွင်ႈၸႅင်ႈၵႂၢမ်းဢဝ်တၢင်းၽိတ်းထိုင်တီႈ ၽူႈတတ်းသိၼ်တြႃး ၼႂ်းၶၢဝ်းတၢင်း 48 ၸူဝ်ႈမူင်း။ ပေႃးဝႃႈ ၶေႃႈမုၼ်းဢၼ်တေတၢင်ႇၼၼ်ႉ ယင်းပႆႇတဵမ်ထူၼ်ႈၼႆၸိုင် ယွၼ်းၶၢဝ်းယၢမ်းၼၼ်ႉ တၢင်းမူတ်း တေဢမ်ႇလႆႈပူၼ်ႉလိူဝ်သေ 18 ဝၼ်း။

မၢတ်ႉတရႃႊ (8)

မိူဝ်ႈၽွင်းတွင်ႈထၢမ်ၼၢင်းယိင်းၵေႃႉဢၼ် ထုၵ်ႇၺႃးႁဵတ်းႁၢႆႉ ၼႂ်းမုင်ႉႁေႃႁိူၼ်းၼၼ်ႉ တီႈမေႃယႃပၢႆးၸႂ်၊ မေႃယူတ်းယႃပၢႆးၸႂ်ၶိုၵ်ႉတွၼ်း၊ ၽူႈၸွႆႈထႅမ်တူင်ႇၵူၼ်း လႄႈ ၽူႈၸွႆႈထႅမ်တၢင်တူဝ်ၵေႃႉဢၼ်လႆႈထူပ်း လွင်ႈႁဵတ်းႁၢႆႉၸႃႉၶဝ်တင်းသဵင်ႈ ပေႃးဢမ်ႇလႆႈၶႂၢင်ႉတီႈၸဝ်ႈတူဝ်မၼ်း တေဢမ်ႇလႆႈလၢတ်ႈၼႄ ၸဝ်ႈၼႃႈတီႈ ၽူႈဢုပ်ႉပိူင်ႇ ဢၼ်မႃးသွပ်ႇထၢမ်။ လိူဝ်သေၼႆႉဢမ်ႇၵႃး ၼႂ်းၽိုၼ်ရၢႆးငၢၼ်းလႄႈသင်၊ လူင်းၶၢဝ်ႇၼႂ်းမီတီႇယိူဝ်ႇ လႄႈသင် တေဢမ်ႇလႆႈႁဵတ်း။ ၼႆႉၵူၺ်းဢမ်ႇၵႃး ၶႅပ်းႁၢင်ႈ လႄႈ ၶေႃႈမုၼ်းၵဵဝ်ႇလူၺ်ႈလွင်ႈဢၼ်ၼႆႉ တေဢမ်ႇလႆႈလၢတ်ႈဢွၵ်ႇလႃးလႃး။

မၢတ်ႉတရႃႊ (10)

ၽွင်းတိုၵ်ႉ တိတ်းတၢမ်းလွင်ႈ ဢမု (ၶတီး) ယူႇၼႆႉ ပုၼ်ႈတႃႇတေဢဝ်လွင်ႈႁူမ်ႇလူမ်ႈပၼ် ၵေႃႉဢၼ်ထုၵ်ႇၺႃးလွင်ႈႁဵတ်းၸႃႉ ၼႂ်းမုင်ႉႁေႃႁိူၼ်းၼၼ်ႉ ၸဝ်ႈၼႃႈတီႈဢၼ်ၵဵဝ်ႇၶွင်ႈၶဝ် ႁဵတ်းသၢင်ႈလႆႈၸိူင်ႉၼင်ႇပႃႈတႂ်ႈၼႆႉ

1. ႁႂ်ႈၵေႃႉဢၼ်ႁဵတ်းႁၢႆႉ ၸွႆႈထႅမ်ငိုၼ်းတွင်း ၵႃႈတီႈၵေႃႉထုၵ်ႇၺႃးႁဵတ်းႁၢႆႉ။
2. ယႃႇႁႂ်ႈ ၵူၼ်းၵေႃႉဢၼ်ႁဵတ်းႁၢႆႉ ၶဝ်ႈမိူဝ်းၼႂ်းႁိူၼ်း ဢမ်ႇၼၼ် ယႃႇပၼ် ယူႇၸမ်ၵၼ် တင်းၵူၼ်းၼႂ်းႁိူၼ်းမၼ်း။
3. ႁႂ်ႈၸဝ်ႈၼႃႈတီႈ မၵ်းမၼ်ႈတႅပ်းတတ်းလွၵ်းလၢႆး တႃႇတေၸွႆႈထႅမ် လုၵ်ႈလၢင်းၵူၼ်းၵေႃႉဢၼ်ႁဵတ်းႁၢႆႉ။
4. ႁႂ်ႈပၼ်ၶေႃႈႁၼ်ထိုင် တီႈၵေႃႉဢၼ်ႁဵတ်းႁၢႆႉဝႃႈ ႁႂ်ႈၵူတ်ႇထတ်းလွင်ႈပၢႆးယူႇလီၸဝ်ႈၵဝ်ႇ။
5. ႁႂ်ႈၸဝ်ႈၼႃႈတီႈၽူႈၵဵဝ်ႇၶွင်ႈၶဝ် တႅပ်းတတ်းလွင်ႈတႃႇတေၸွႆႈထႅမ်ၵူၼ်းၵေႃႉဢၼ်ထုၵ်ႇႁဵတ်းႁၢႆႉ ၼႂ်းမုင်ႉႁေႃႁိူၼ်းၼႆႉ ပဵၼ်လွင်ႈႁၢင်ႈႁႅၼ်းတႃႇၸတ်းၵၢၼ် ၸွမ်းလိူင်ႈဢမုၸူဝ်ႈၶၢဝ်း။ ထုၵ်ႇလီယိုၼ်ႈလိူင်ႈမၼ်း တီႈလုမ်းတြႃးၽၢႆႇၵဵဝ်ႇလူၺ်ႈၼၼ်ႉ ၼႂ်းၶၢဝ်းတၢင်း 48 ၸူဝ်ႈမူင်း။ သင်ဝႃႈလုမ်းတြႃးပၼ်ၶႂၢင်ႉယဝ်ႉၼႆၵေႃႈ သိုပ်ႇၸတ်းလိူင်ႈမၼ်းၵႂႃႇလႆႈယဝ်ႉ။ သင်ဝႃႈလုမ်းတြႃးပႆႇႁပ်ႉလိူင်ႈၼႆႉၼႆၵေႃႈ တေလႆႈၵိုတ်းဝႆႉၵွၼ်ႇ။ ဢမ်ႇၼၼ်ၵေႃႈ ယူႇတီႈလုမ်းတြႃးသေ တေၸၢင်ႈတႅပ်းတတ်း ပၼ်ႁင်းၵူၺ်း။ ၵေႃႉဢၼ်ထုၵ်ႇႁဵတ်းႁၢႆႉ ဢမ်ႇၼၼ် ၵူၼ်းၽၢႆႇမၼ်းၼၢင်းၵေႃႈၶိုၼ်းတုၵ်းယွၼ်း တႃႇတိတ်းတၢမ်းလိူင်ႈ (လွင်ႈတၢင်းၶိုပ်ႈၼႃႈ)မၼ်းလႆႈထႅင်ႈယူႇ။

မၢတ်တရႃႊ (12)

တၢင်းယိူင်းဢၢၼ်း လုမ်းတြႃးတႄႉ ၶႂ်ႈႁႂ်ႈလိူင်ႈဢမုၼႆႉ ၵႄႈလိတ်ႈၸွမ်းလူၺ်ႈလွင်ႈလီသေ ပွႆႇဝၢင်းပၼ်ၵၼ် ၼင်ႇႁိုဝ်မုင်ႉႁေႃႁိူၼ်းၶဝ်တေၶိုၼ်းလီၵၼ်လႄႈ ယူႇၸွမ်းၵၼ်ၵႂႃႇ ၵတ်းၵတ်းယဵၼ်ယဵၼ် ၼႆယဝ်ႉ။ သင်ဝႃႈ လိူင်ႈဢမုၼၼ်ႉ ဢမ်ႇယဝ်ႉယႃႇၸွမ်းၼင်ႇ လွင်ႈၵတ်းယဵၼ်ၼႆၸိုင် လုမ်းတြႃး ၸႂ်ႉၶေႃႈသင်ႇသၢၼ်သေမီးဢၢမ်းၼၢတ်ႈ ႁဵတ်းလႆႈၸိူင်ႉၼင်ႇပႃႈၸႂ်ႈၼႆႉ

1. သူင်ႇတူဝ်ၵႂႃႇတီႈႁူင်းသဝ်း ပူၵ်းပွင်မႄးတူဝ်မႄးၸႂ်။
2. ႁႂ်ႈႁပ်ႉလွင်ႈယူတ်းယႃ။
3. ပွၵ်ႈၼႆႉ မၵ်းမၢႆဝႃႈ မီးတၢင်းၽိတ်းၼႆသေတႃႉ ဢမ်ႇပႆႇဢဝ်တၢင်းၽိတ်းပၼ်တူတ်ႈတၢမ်ႇ။ သင်ဝႃႈႁဵတ်းတၢင်းၽိတ်းထႅင်ႈပွၵ်ႈၼိုင်ႈတႄႉ တေပၼ်တူတ်ႈတၢမ်ႇ။
4. တေလႆႈၸွႆႈထႅမ်ငိုၼ်းတွင်း ၵႃႈတီႈၵေႃႉဢၼ်လႆႈထုၵ်ႇ ပေႉၵိၼ်ႁဵတ်းႁၢႆႉ။
5. တေလႆႈၶဝ်ႈၸွႆႈႁဵတ်းသၢင်ႈၸွမ်းၵၢၼ်တူင်ႇဝူင်းၵူၼ်း။
6. လွင်ႈဢၼ်ၸၢင်ႈၵိူတ်ႇၶိုၼ်ႈပၼ်ႁႃႁဵတ်းႁၢႆႉၸႃႉၼႂ်းမုင်ႉႁေႃႁိူၼ်းၼၼ်ႉ တေလႆႈငိူင်ႉဝႄႈပွႆႇလွတ်ႈလွင်ႈမီးတၢင်းၽိတ်း။

Supported by

မၢတ်ႉတရႃႊ (16)

ၼင်ႇႁိုဝ်လိူင်ႈမၼ်း တေယဝ်ႉယႃႇလူၺ်ႈလွင်ႈလီ ၵတ်းယဵၼ်ၼၼ်ႉ လုမ်းတတ်းသိၼ်တြႃးၶိၼ်းပၼ်တႃႇထူပ်း ၵူၼ်းၵၢင်သေၵေႃႉၵေႃႉလႆႈ။ ၵေႃႉဢၼ်ပဵၼ်ၵူၼ်းၵၢင် ငူပ်ႉငီႉပၼ်ၼၼ်ႉ တေလႆႈလၢႆးငၢၼ်းပၼ်တီႈလုမ်းတြႃး လွင်ႈၶေႃႈလႆႈၸႂ်တူၵ်းလူင်းၵၼ်။ ၵဵဝ်ႇလူၺ်ႈၶေႃႈတူၵ်းလူင်းၼၼ်ႉ လုမ်းတတ်းသိၼ်တြႃးၵေႃႈ ပၼ်ၶေႃႈႁပ်ႉႁွင်းလႆႈဝႃႈ ဢမ်ႇမီးလွင်ႈၽိတ်းပိူင်ႈတၢင်းမၢႆမီႈ၊ ဢမ်ႇမီးၽေးၶဵၼ်၊ တူင်ႇဝူင်းႁိမ်းႁွမ်းယူႇၵိၼ်ႁိမ်းၸမ်ၵၼ်ၵေႃႈဝႃႈ ၵူၼ်းၵေႃႉၼၼ်ႉ လိူဝ်သေလွင်ႈၼႆႉ ဢမ်ႇမီးတၢင်းၽိတ်းတၢင်ႇပိူင်ၼႆၸိုင် တေသိုပ်ႇႁဵတ်းသၢင်ႈၵႂႃႇ ၸွမ်ႇၼင်ႇသွင်ၵေႃႉ လႆႈၸႂ်တူၵ်းလူင်းၵၼ်ဝႆႉၼၼ်ႉယူႇယဝ်ႉ။ ၽွင်းလူင် ၽၢႆႇၶိုၼ်ႈယႂ်ႇမႂ်ႇသုင် တူင်ႇဝူင်းၵူၼ်း လႄႈ ပရၵၼ်သင်ၶူမ်းၵေႃႈ တေလႆႈႁၢင်ႈႁႅၼ်းၶေႃႈမုၼ်းလၢႆးငၢၼ်းဢၼ်ၵဵဝ်ႇလူၺ်ႈ လွင်ႈႁဵတ်းႁၢႆႉၸႃႉၼႂ်းမုင်ႉႁေႃႁိူၼ်း၊ ၶေႃႈမုၼ်းႁူဝ်ယွႆႈ ၵဵဝ်ႇလူၺ်ႈ ၵူၼ်းၵၢင်ၸွႆႈၵႄႈလိတ်းလွင်ႈၶွင်ႈၶမ်ၸိူဝ်းၼႆႉ။

ၼၢင်းယိင်းၵေႃႉဢၼ်လႆႈၶၢမ်ႇ လွင်ႈႁဵတ်းႁၢႆႉၸႃႉ ၼႂ်းမုင်ႉႁေႃႁိူၼ်းၼႆႉ မိူၼ်ၼင်ႇဝႃႈ တႃႇတေလၢတ်ႈၼႄပိူၼ်ႈၼၼ်ႉ မၼ်းယၢပ်ႇယဵၼ်းၵႃႈႁိုဝ်ၼႆၵေႃႈ တႃႇတေတေႃႇသူႈ ၼႂ်းလုမ်းတြႃးဢၼ်ဝႃႈၼၼ်ႉ ယိုင်ႈၶႅၼ်းယၢပ်ႇၽိုတ်ႇ။ ပေႃးဝႃႈ ဢမ်ႇလၢတ်ႈသင်သေ ဢိုတ်းသူပ်းဝႆႉၼႆၵေႃႈ လွင်ႈႁဵတ်းႁၢႆႉၸႃႉ ၼႂ်းမုင်ႈႁေႃႁိူၼ်းၼၼ်ႉ တေဢမ်ႇဝၢႆးႁၢႆ။ တေမီးလွင်ႈႁဵတ်းႁၢႆႉၸႃႉယူႇ ၶိူဝ်းၶိူဝ်းယႂ်းယႂ်းလႄႈ ၽဝၼၢင်းယိင်းၵေႃႈ တေသိုပ်ႇမီးလွင်ႈၶွင်ႈၶမ်ယူႇတိၵ်းတိၵ်း။ ၵွပ်ႈၼႆလႄႈ သင်ဝႃႈၼၢင်းယိင်းၶဝ်လႆႈၶၢမ်ႇႁဵတ်းႁၢႆႉ ၼႆၸိုင် တေလႆႈမီးတၢင်းႁတ်းႁၢၼ်သေ လၢတ်ႈဢွၵ်ႇမႃး။

သင်ဝႃႈလူဝ်ႇတၢင်းၸွႆႈထႅမ် ၵဵဝ်ႇလူၺ်ႈလွင်ႈ တၢင်းႁူႉမၢႆမီႈ ၽၢႆႇလွင်ႈႁဵတ်းႁၢႆႉၸႃႉၼႂ်းမုင်ႉႁေႃႁိူၼ်းၼႆၸိုင် ၵပ်းသိုပ်ႇတွင်ႈထၢမ်မႃးတီႈ မုလ်ၼိထိ မႅပ်ႇ ၼႂ်းၶၢဝ်းယၢမ်း 9 မူင်း ထိုင် 5 မူင်း။

မၢႆၾူၼ်း 053328134 (ၵဵင်းမႆႇ) လႄႈ ၽၢႆႇမၢၼ်ႈ 055536685 (မႄႈသွတ်ႇ)