မြန်မာလုပ်သားများကို စိစစ်နေစဉ် (ဓာတ်ပုံ − စိုးလင်းဦး)

ထိုင်းနိုင်ငံရောက်မြန်မာ လုပ်သားများ ထိုင်းနိုင်ငံတွင် ပတ်စ်ပို့စာအုပ် ပြုလုပ်နိုင်ရန် မဟာချိုင်မြို့၌ မြန်မာရွှေ့ပြောင်းအလုပ်သမား ဗဟိုစင်တာဖွင့်၍ ၀န်ဆောင်မှုပေးရန် ထိုင်းအစိုးရက ခွင့်ပြုခဲ့ကြောင်း ထိုင်းနိုင်ငံဆိုင်ရာ မြန်မာသံရုံးမှ အလုပ်သမားသံအရာရှိ ဦးစန်းမောင်ဦးက ပြောသည်။

 မြန်မာလုပ်သားများသည် မြန်မာနိုင်ငံသို့ပြန်၍ ပတ်စ်ပို့ပြု လုပ်ရန် မလိုအပ်တော့ဘဲ ပတ်စ် ပို့နှင့်အတူ ဗီဇာနှင့် အလုပ်ပါမစ်   တစ်ပါတည်းပြုလုပ်ပေးမည်ဟု ဦးစန်းမောင်ဦးက  ပြောကြား သည်။

အဆိုပါ စင်တာကို ဒီဇင်ဘာ အတွင်း ဖွင့်လှစ်နိုင်ရန် ဆောင်ရွက်မည်ဖြစ်ပြီး ပတ်စ်ပို့လျှောက် ထားသူများ၊ ယာယီနိုင်ငံကူး လက်မှတ်ပြုလုပ်သူများနှင့် မည် သူမည်ဝါဖြစ်ကြောင်း သက်သေခံလက်မှတ်(CI) ပျောက်နေသူ များအတွက်လည်း ပါဝင်ကြောင်း သံအရာရှိက ပြောသည်။

‘‘MoU နဲ့လာပြီး လုပ်နေကြတဲ့သူတွေလည်း သက်တမ်းတိုးဖို့အတွက် အရင်ကသုံးကြိမ်လောက် ပြန်ပြီး လုပ်နေရတယ်။ အဲဒီလူတွေအတွက်ရော ဒီစင်တာမှာ လုပ်လို့ရတယ်။ ပတ်စ်ပို့လျှောက်ချင် တဲ့သူတွေက ဒီမှာပဲ လျှောက်လို့ ရသွားတာပေါ့။ ထိုင်းအစိုးရက တော့ နှစ်နိုင်ငံချစ်ကြည်ရေးအ ရ ခွင့်ပြုပေးတာပေါ့’’ဟု ဦးစန်း မောင်ဦးက ပြောသည်။

ထိုင်းရောက် မြန်မာလုပ် သားများအရေး ဆောင်ရွက်ပေး နေသော ပညာရေးနှင့်ဖွံ့ဖြိုးတိုး တက်ရေးဖောင်ဒေးရှင်း (FED) အဖွဲ့မှ ကိုမင်းဦးက ‘‘မြန်မာလုပ် သားတွေအတွက် အချိန်ကုန်တာ ရော၊ ငွေကုန်တာရော သက်သာ သွားမယ်။ နောက်ပြီးထိုင်းက အ လုပ်ရှင်တွေက သူတို့အလုပ်သ မားတွေကို ခွင့်အကြာကြီးပေးချင် တာ မဟုတ်ဘူး။ ခုတော့ ဒီမှာပဲ ပတ်စ်ပို့တွေ လုပ်လို့ရပြီဆိုတော့ အလုပ်ရှင်တွေအတွက်လည်း အ ကျိုးရှိတယ်’’ဟု ပြောသည်။

စာချုပ်ဖြင့် လာရောက်လုပ်ကိုင်သော မြန်မာလုပ်သားများသည် သက်တမ်းတိုးဆောင်ရွက်ရန် တစ်လလျှင် လူနှစ်ထောင်ခန့် နေရပ်ပြန်နေရသည်။

Credit.......http://7daydaily.com/

မသန်စွမ်းသူများအလုပ်ခန့်ထားရေး လက်တွေ့ကျသည့်အကြံဉာဏ်များ ရရှိတော့မည်ဖြစ်သည် (ဓာတ်ပုံ−နစ်ကီ)

မသန်စွမ်းသူများလက် လှမ်းမီသော အလုပ်အကိုင်အ ခွင့်အလမ်းများ ဖန်တီးရန်နှင့် မသန်စွမ်းသူများအား အလုပ်ပိုမို ခန့်အပ်နိုင်ရန် မြန်မာနိုင်ငံရှိ အ လုပ်ရှင်များသို့ လက်တွေ့အကြံ ဉာဏ်များပေးနိုင်မည့် စာအုပ်ကို ဒီဇင်ဘာ ၃ ရက်က စတင်ထုတ် ဝေသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနနှင့် မြန်မာနိုင်ငံ မသန်စွမ်းအသင်းချုပ်တို့၏အကူအညီ ဖြင့် မြန်မာ့စီးပွားရေးကဏ္ဍ တာဝန်ယူမှု ရရှိရေးအထောက်အကူ ပြုကော်မတီ(MCRB)နှင့်ဂျပန် အကူအညီပေးရေးနှင့် ပြန်လည်ထူထောင်ရေးအသင်း (AARJapan)တို့က စီစဉ်ရေးသားသည့်     ‘မသန်စွမ်းသူများအား  အလုပ်ခန့်ထားခြင်း-အလုပ်ရှင်များအတွက် လက်စွဲစာအုပ်’ ကို  အပြည်ပြည် ဆိုင်ရာ   မသန်စွမ်းသူများနေ့ အခမ်းအနားတွင်   မိတ်ဆက်ခဲ့ သည်။

MCRB ၏အတွေ့အကြုံအ ရ မြန်မာနိုင်ငံရှိ စီးပွားရေးလုပ်ငန်း များသည် မသန်စွမ်းသူများကို ပိုမိုအလုပ်ခန့်ထားလိုသော်လည်း မည်သို့ စတင်ဆောင်ရွက်ရမည် ကို မသိကြောင်းနှင့် ယခုစာအုပ် တွင် လက်တွေ့ကျသည့် အကြံ ဉာဏ်ပေးရန် ဦးတည်ရေးသား ထားကြောင်း ယင်းအဖွဲ့ဒါရိုက် တာ ဗစ်ကီဘိုးမန်းက ပြောသည်။

၂၀၁၄ သန်းခေါင်စာရင်း အစီရင်ခံစာအရ မြန်မာနိုင်ငံရှိ လူဦးရေ ၂ ဒသမ ၃ သန်းသည် မသန်စွမ်းသူများဖြစ်သည်။ မသန် စွမ်းမှုဆိုင်ရာ ကမ္ဘာ့အစီရင်ခံစာ အရ မသန်စွမ်းအမျိုးသားများနှင့် အမျိုးသမီးများ၏အလုပ်အကိုင် အခွင့်အလမ်းရရှိနှုန်းသည် သန် စွမ်းသူအမျိုးသား၊ အမျိုးသမီးများ ထက် နိမ့်ကျနေကာ ၂၀၁၄ မြန်မာနိုင်ငံ လူဦးရေနှင့် အိမ်အ ကြောင်းအရာ သန်းခေါင်စာရင်း အစီရင်ခံစာအရ အသက်(၁၅) နှစ်နှင့် (၆၄)နှစ်အတွင်းရှိ မသန် စွမ်းသူများ လုပ်သားဈေးကွက် အတွင်း ဝင်ရောက်လုပ်ကိုင်မှုနှုန်း လျော့နည်းဆဲဖြစ်သည်။

စာမျက်နှာ ၅၀ ပါ ‘မသန် စွမ်းသူများအား အလုပ်ခန့်ထား ခြင်း- အလုပ်ရှင်များအတွက် လက်စွဲစာအုပ်’ တွင် မြန်မာနိုင်ငံရှိ မသန်စွမ်းသူများနှင့် သက်ဆိုင် သော သတင်းအချက်အလက် များ၊ လုပ်ငန်းခွင်၌ မသန်စွမ်းသူ များကို ခွဲခြားဆက်ဆံမှု ဥပမာ များ၊ မသန်စွမ်းသူများအား အကာ အကွယ်ပေးခြင်းနှင့် လူမှုအသိုက် အဝန်းအတွင်း ၎င်းတို့၏ ပါဝင် ဆောင်ရွက်မှုများကို မြှင့်တင်ပေး နိုင်မည့် မြန်မာနိုင်ငံရှိ တရားရေးရာမူဘောင်များ၊ မသန်စွမ်းမှုဆိုင် ရာ စကားလုံးအသုံးအနှုန်း၊ အဓိပ္ပာယ်ဖွင့်ဆိုချက်များ၊ အလုပ်ရှင်များနှင့် မသန်စွမ်းအဖွဲ့အစည်း များ ချိတ်ဆက်ဆောင်ရွက်နိုင်ရန် ဆက်သွယ်နိုင်မည့် လိပ်စာနှင့် သတင်းရင်းမြစ်များပါဝင်သည်။ ယင်းစာအုပ်ကို မြန်မာ၊ အင်္ဂလိပ်နှစ်ဘာသာဖြင့် MCRB ဝက်ဘ်ဆိုက်၌ ဝင်ရောက်ဖတ်ရှုနိုင် သည်။

အလုပ်အကိုင် အခွင့်အ လမ်းဖန်တီးပေးမှုဆိုင်ရာ လုပ်ငန်းစဉ်အားလုံးကို သက်ဆိုင်ရာ အဖွဲ့ အစည်းများနှင့် ချိတ်ဆက်ပေး ခြင်း၊ အလုပ်လုပ်နိုင်စွမ်းရှိသူ (သို့မဟုတ်)အလုပ်လုပ်ရန် ဆန္ဒ ရှိသော မသန်စွမ်းသူများနှင့် ချိတ် ဆက်ပေးခြင်းနှင့် မသန်စွမ်းသူ များ အကျုံးဝင်လုပ်ငန်းခွင်ဖြစ် ပေါ်လာစေရေး အသိပညာပေး သင်တန်းများဖွင့်လှစ်ပေးခြင်းဖြင့် အပြည့်အဝဆောင်ရွက်မည်ဖြစ် ကြောင်း မြန်မာနိုင်ငံ မသန်စွမ်း သူများအသင်းချုပ် အထွေထွေ အတွင်းရေးမှူး ဦးမြတ်သူဝင်းက စာအုပ်တွင် အမှာစကားဆိုထား သည်။
Credit......http://7daydaily.com

  ထိုင်းနိုင်ငံအတွင်း ပတ်စ်ပို့ကိုင်ဆောင်၍ ဗီဇာအတုများ တွေ့ရှိသည့် မြန်မာရွှေ့ပြောင်းအလုပ်သမားများကို ဖမ်းဆီးခြင်းမပြုဘဲ ထုတ်ပေးသည့် ပွဲစားများကို နှစ်နိုင်ငံ ပူးပေါင်း ဖော်ထုတ်မည်

ထိုင်းနိုင်ငံအတွင်း ပတ်စ်ပို့ကိုင်ဆောင်၍ ဗီဇာအတုများနှင့်အတူ တွေ့ရှိသည့် မြန်မာရွှေ့ပြောင်းအလုပ်သမား များကို ဖမ်းဆီးခြင်းမပြုဘဲ ပညာပေးကာ မြန်မာနိုင်ငံသို့ ပြန်လည်လွှဲ ပြောင်းပေးပြီး ထုတ်ပေးသည့် ပွဲစားများကို နှစ်နိုင်ငံ ပူးပေါင်းဖော်ထုတ်မည်ဟု နိုဝင်ဘာလ တတိယပအပတ်အတွင်းက ကျင်းပပြုလုပ်ခဲ့သည့် (၁၂)ကြိမ်မြောက် နှစ်နိုင်ငံနယ်စပ်လူကုန်ကူးမှု ပူးပေါင်းတိုက်ဖျက်ရေးဆိုင်ရာဆက်ဆံရေးအစည်းအဝေးမှ သိရသည်။

”ပတ်စ်ပို့ကိုင်ဆောင်ပြီး ဗီဇာအတုများကိုင်ဆောင်တာ မြန်မာ နိုင်ငံဘက်၊ မြဝတီ၊ ထိုင်းမှာတော့ မဲဆောက် ဘက်မှာအများဆုံးတွေ့ရတယ်။ မယ်ဆိုင်-ချင်းရိုင်းမြို့နယ် အတွင်းမှာတော့ တစ်ဦးတည်းပဲ ဖမ်းမိတာရှိပါတယ်။ ဒါတွေက ပွဲစားတွေ ကြောင့် ဘာမှမသိတဲ့ရွှေ့ပြောင်း အလုပ်သမားတွေခံရတာ များပါတယ်။ နောက်ပိုင်း တွေ့ရှိရင် ဖမ်းဆီးခြင်းမပြုဘဲ ပညာပေးပြီး မြန်မာနိုင်ငံသို့ ပြန်လည်လွှဲပြောင်း ပေးမှာဖြစ်ပါတယ်”ဟု ထိုင်းနိုင်ငံ၊မယ်ဆိုင် လူဝင်မှုကြီးကြပ်ရေးဦးစီးဌာနမှ ရဲမှူးကြီး Acecal botster Dinn က ပြောသည်။

အဆိုပါအစည်းအဝေးတွင် တာချီလိတ်-ချင်းရိုင်း လူကုန်ကူးမှုပူးပေါင်းတိုက်ဖျက်ရေးအဖွဲ့ ကိုယ်စားလှယ်များက နှစ်နိုင်ငံနယ်စပ်ဒေသတွင်း မြန်မာရွှေ့ပြောင်း လုပ်သားများ ကိုင်ဆောင်နေသည့် ပတ်စ်ပို့၌ ဗီဇာအတုများ တွေ့ရှိပါကနိုင်ငံတာဝန်ရှိသူများဝိုင်းဝန်းပူးပေါင်းဖြေရှင်းဆောင်ရွက်သွားရန်၊ ဗီဇာအတုများ ကိုင်ဆောင်သည့် မြန်မာရွှေ့ပြောင်းလုပ်သားများအား တွေ့ရှိပါက ဖမ်းဆီးခြင်းမပြုဘဲ ပညာပေးမှုပြုလုပ်ပြီး ပြန်လည်လွှဲပြောင်းပေးသွားရန်၊

မြန်မာရွေ့ပြောင်းလုပ်သားများနှင့် ပတ်သက်၍ အခါအားလျော်စွာ ထုတ်ပြန်သည့် အမိန့်ညွှန်ကြားချက်များကို မြန်မာ-ထိုင်းနှစ်ဘာသာဖြင့် ရေးသားဖြန့်ဝေသွားရန်နှင့် ပညာပေးမှုကို နှစ်နိုင်ငံ ပူးပေါင်းဆောင်ရွက်ရန်၊ ရွှေ့ပြောင်းလုပ်သားများ အကူအညီ လိုအပ်သည့်အခါ နှစ်နိုင်ငံဆက် သွယ်နိုင်မည့် ဖုန်းနံပါတ်များဖြန့်ဝေပေးသွားရန်၊ လူကုန်ကူးခံရသူများ လွှဲပြောင်းသည့်အခါ စစ်ဆေး တွေ့ရှိချက်နှင့် ထူးခြားမှုများကို သတင်းဖလှယ်သွားရန်၊

လူကုန်ကူးမှု အသိပညာပေးဆောင်ရွက် မှုများကို ထိုင်းနိုင်ငံ၊ ချင်းရိုင်းခရိုင်လူမှုရေး အဖွဲ့အစည်းများနှင့် ပူးပေါင်းကာ စာသင်ကျောင်းများတွင် အသိပညာပေးလုပ်ငန်းများ ပူးပေါင်းဆောင်ရွက်ရန်၊ ထိုင်းနိုင်ငံအတွင်းမှ အမှုဖြင့် အလိုရှိသော တရားခံများတာချီလိတ်မြို့နယ်အတွင်း ရောက်ရှိနေပါက ပူးပေါင်းရှာဖွေ ဖမ်းဆီးပေးရန်နှင့် ထိုင်းနိုင်ငံအတွင်း ရွှေ့ပြောင်းလုပ်သားများနှင့် ပတ်သက်သည့် ဒေသန္တရအမိန့်ထုတ်ပြန်ပါက ချိတ်ဆက်ပေးပို့သွားရန်နှင့် စီမံချက်အရ စစ်ဆေးဆောင်ရွက်စဉ် တရားမဝင် အလုပ်သမားတွေ့ရှိပါက အမြန်ဆုံးလွှဲပြောင်းပေးရန်စသည့် ကိစ္စရပ်များကို အပြန်အလှန် ဆွေးနွေးခဲ့ကြသည်။

အဆိုပါ အစည်းအဝေးသို့ မြန်မာနိုင်ငံဘက်မှ နှစ်နိုင်ငံနယ်စပ်လူကုန်ကူးမှု ပူးပေါင်းတိုက်ဖျက်ရေးဆိုင်ရာ ဆက်ဆံရေးရုံး ဥက္ကဌ၊ ခရိုင်ရဲတပ်ဖွဲ့မှူး ဒုရဲမှူးကြီးပေါ်ထွန်းဦးဆောင်သည့် အဖွဲ့ဝင် ၁၅ ဦး၊ ထိုင်းနိုင်ငံ၊ ချင်းရိုင်းခရိုင်၊ မယ်ဆိုင်လူဝင်မှုကြီးကြပ်ရေးဦးစီးဌာနမှ ရဲမှူးကြီး Acecal botsterDinn ဦးဆောင်သည့် ထိုင်းကိုယ်စားလှယ် ၂၈ ဦး၊ စုစုပေါင်း ၄၃ ဦး တက်ရောက်ဆွေးနွေးခဲ့ကြောင်း သိရသည်။

Credit....https://www.myanmarlivenews.com/

               ပြစ်ဒဏ်ကျခံပြီး ပြန်လွတ်လာသည့် မြန်မာအလုပ်သမားများ ကော့သောင်းရောက်ရှိ

ထိုင်းနိုင်ငံဥပဒေအရ ပြစ်ဒဏ်ကျခံပြီး ပြန်လွှတ်လိုက်ပေးလိုက်တဲ့ မြန်မာအလုပ်သမားတွေ ရနောင်းမြို့မှတဆင့် ကော့သောင်းမြို့ကို နိုဝင်ဘာ ၃၀ ၇က်နေ့ ညနေပိုင်းက ပြန်ရောက်ရှိလာပြီး ကော့သောင်းခရိုင်တာဝန်ရှိသူတွေက လက်ခံကြိုဆိုခဲ့ကြပါတယ်။

ရောက်ရှိလာကြတဲ့ မြန်မာနိုင်ငံသား ရွှေ့ပြောင်းအလုပ်သမား အယောက် ၆၀ ကို တနင်္သာရီတိုင်းဒေသကြီး ကော့သောင်းမြို့ မဉ္စူသကခန်းမမှာ ယာယီထားရှိပြီး နာမကျန်းဖြစ်နေသူတွေကို ကျန်းမာရေးစောင့်ရှောက်မှုပေးထားပါတယ်။

“ဒီရောက်လာတဲ့ လူအယောက် ၆၀ မှာ များသောအားဖြစ်ကတော့ နိုင်ငံ တရားမ၀င်ခိုးဝင်မှုပေါ့။ တကယ်တော့ သူတို့က အနယ်နယ်အရပ်ရပ်က ဖမ်းမိထားတဲ့သူတွေစုပြီး ထိုင်းလ၀ကကို ပို့တာပါ။ အနယ်နယ်အရပ်ရပ်က အသွင်အမျိုးမျိုးနဲ့ အဖမ်းခံရတာတွေပါ” လို့ နယ်ခြားကော်မတီအဖွဲ့ဝင် ဦးထင်လင်းဆွေက ပြောပါတယ်။

“ကျနော်က ပန်းရန်လုပ်တာပါ။ အမှန်အတိုင်းပြောရရင်တော့ ကျနော်တို့က အာဆီယံသောက်နေတာပါ။ သောက်နေရင်းနဲ့ မသောက်ချင်တော့လို့ လွှင့်ပစ်လိုက်တာကို ထိုင်းရဲက ကျနော့်ကို အမှုဖွင့်တာပါ” လို့ ပြန်လွတ်လာသူတဦးကပြောပါတယ်။

ပြန်လွတ်လာတဲ့ ရွှေ့ပြောင်းအလုပ်သမားတွေဟာ တနသာင်္ရီတိုင်း၊ မွန်ပြည်နယ်၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်းနဲ့ ရခိုင်ပြည်နယ်တွေက ဖြစ်ပြီး သူတို့ကို့ မော်တော်ယာဉ်စီစဉ်ပေးပြီး နေရပ်ဒေသတွေကို ပြန်ခိုင်းခဲ့ပါတယ်။

Credit....သတင်းနှင့်ဓာတ်ပုံ -လတ်ကိုကိုဦး http://burmese.dvb.no/archives/302418