(ဓာတ်ပုံ − ထူးချစ်)

            ထိုင်းက ဖမ်းဆီးထားသော မြန်မာလုပ်သား ၁၄၅ ဦး ပြန်ပို့စဉ် မြန်မာဘက်က လက်မခံသဖြင့် တရားမ၀င်ပို့ဆောင်ခဲ့ဟုဆို

ထိုင်းနိုင်ငံသို့ တရားမ၀င်ဝင်ရောက်မှုကြောင့် ဖမ်းဆီးခံရသောမြန်မာလုပ်သား ၁၄၅ ဦးကို ထိုင်း အာဏာပိုင်များက မြန်မာနိုင်ငံသို့ ပြန်လည်လွှဲပြောင်းပို့ ဆောင်ရာ ကော့သောင်းမြို့အာဏာပိုင်များက လက်မ ခံသဖြင့်တရားမ၀င်နည်းလမ်းဖြင့်သာ ပို့ဆောင်ပေးခဲ့ ကြောင်း ထိုင်းနိုင်ငံပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း FED အဖွဲ့မှ ကိုမင်းဦးက ပြောသည်။

နိုဝင်ဘာ ၁၄ ရက်က ထိုင်းနိုင်ငံတောင်ပိုင်း ရနောင်းခရိုင်အတွင်း တရားမ၀င်ရောက်ရှိလာသော မြန်မာလုပ်သား ၁၄၅ ဦးကို တစ်ပတ်ကြာထိန်းသိမ်းပြီး ယမန်နေ့တွင် ထိုင်းအာဏာပိုင်များက ရနောင်းမြို့မှ ကော့သောင်းမြို့သို့ ပြန်လည်ပို့ဆောင်ပေးခဲ့သည်။

ယင်းသို့ပြန်လည်ပို့ဆောင်ရာတွင် ထိုင်းရဲမှူးကြီး ကိုယ်တိုင်စီစဉ်ဆောင်ရွက်ပြီး ရနောင်းအခြေစိုက် ထိုင်းနိုင်ငံဆိုင်ရာ မြန်မာသံရုံးမှ အလုပ်သမားသံအရာရှိဦးဇော် မင်းအောင်နှင့် FED အဖွဲ့တို့က လိုက်ပါပုိ့ဆောင်ခဲ့သည်။

သို့သော် မြန်မာပိုင်နက်သို့ရောက်ရှိချိန်တွင် ကော့သောင်းအာဏာပိုင်များက လက်မခံ၍ ပင်လယ်ပြင်၌ အချိန်နှစ်နာရီကြာစောင့်ဆိုင်းခဲ့ရကြောင်း ကိုမင်းဦးက ပြောသည်။

‘‘ထိုင်းဘက်က အားလုံးအ ဆင်ပြေအောင်လုပ်ပေးတယ်။ ပြန်ပို့မပေးဘူးဆိုရင် သူတို့အား လုံးက အကျဉ်းကျခံရမှာ။ သံအ ရာရှိနဲ့ကျွန်တော်တို့က တောင်းဆို လို့ သူတို့ကပြန်ပို့ပေးတာ။ အဲဒါ ကိုလက်မခံဘူးဆိုပြီး အကြောင်း ပြန်တာ။ သူတို့အကြောင်းပြတာ တော့ ကော့သောင်းကတရားဝင် ပြန်လည်လက်ခံတဲ့ဂိတ် မရှိဘူး ပေါ့။ အဲဒါကြောင့် လက်မခံတာ လို့ ပြောတယ်’’ ဟု ၎င်းက ပြော သည်။ မြန်မာလုပ်သား ၁၄၅ ဦး တွင် ကလေးငယ်သုံးဦးအပါအ ၀င် အသက်မပြည့်သူကိုးဦးနှင့် အမျိုးသမီး ၂၁ ဦး ပါဝင်ကာ ဘာသာခြားလူမျိုးများ မပါဝင် ကြောင်း ၎င်းကဆက်လက်ပြော သည်။ ချင်း၊ မွန်၊ ရခိုင်ပြည်နယ် နှင့်ဧရာဝတီတိုင်းမှ မြန်မာနိုင်ငံ သားများဖြစ်ကြောင်း ကိုမင်းဦးက ရှင်းပြသည်။

‘‘တရားဝင်ဖြစ်စေချင်လို့ လက်မခံတာလို့ပြောတယ်။ ကျွန် တော်တို့ကတော့ ပြန်ပို့ခဲ့တယ်။ မနက်ဖြန်(နိုဝင်ဘာ ၂၃ ရက်)မှာ လည်း နှစ်နိုင်ငံဆွေးနွေးပွဲရှိတယ်။ ဒီဟာကို ဆွေးနွေးကြမယ်’’ ဟု အလုပ်သမားသံအရာရှိဦးဇော် မင်းအောင်က ပြောသည်။

‘‘ကိုယ့်နိုင်ငံသားတွေကို လက်မခံလို့ ပြန်ခေါ်လာရင်လည်း ထိုင်းအစိုးရက လက်ခံမှာမဟုတ် ဘူး။ အဲဒါကြောင့် ကော့သောင်း တစ်နေရာမှာ ထားခဲ့ရတယ်ပြော တယ်။ ပြန်ပို့ကတည်းက အများ စုက တိုင်းရင်းသားတွေဖြစ်နေ တယ်။ အဲဒါဟာ ကိုယ့်နိုင်ငံဂုဏ် သိက္ခာကျတာပဲ။ တမင်ကို ဂုဏ် သိက္ခာကျအောင် လုပ်နေသလို ဖြစ်နေတယ်’’ ဟု FED အဖွဲ့ဒါ ရိုက်တာ ဦးထူးချစ်က ပြောသည်။

မြန်မာလုပ်သား ၁၄၅ ဦးကို လက်မခံခြင်း မဟုတ်ဘဲ ထိုင်းအစိုးရက ၎င်းတို့ အစီအစဉ်ဖြင့် ပို့ဆောင်ခြင်း ဖြစ်ကြောင်း ကော့သောင်းခရိုင် အထွေထွေအုပ်ချုပ်ရေးမှူးရုံး လက်ထောက်ညွှန်ကြားရေးမှူး ဦးမြတ်သူက ပြောသည်။

‘‘အာလုံးပေါင်း ၁၄၅ ဦး ရောက်ရှိလာတယ်။ ရနောင်းက ကျွန်တော်တို့နဲ့ တရားဝင် ပို့တာ မဟုတ်ဘူး။ သတင်းရရချင်းမှာ ကျွန်တော်တို့သွားပါတယ်။ အခု ညပိုင်းမှာ ကျွန်တော်တို့ အစိုးရအစီအစဉ်နဲ့ လူဦးရေ ၄၈ ဦးကို ရန်ကုန်ကို ပို့ဆောင်လိုက်ပါပြီ။ထိုင်းကနေ ကျွန်တော်တို့နဲ့တရားဝင်လာပို့တာ မဟုတ်ဘဲ ထိုင်းဘက်ကနေ ဒီတိုင်းပဲ ကျွန်တော်တို့ကို ဘာမှအသိမပေးဘဲ လာသွန်ချသွားတဲ့ သဘောပဲ။ ဒီဘက်ရောက်မှ ကျွန်တော်တို့က သိတာ။ နှစ်နိုင်ငံညှိနှိုင်းခြင်းမရှိဘဲ သူတို့ဘာသာသူတို့ လာပို့သွားတဲ့ သဘောပါ’’ ဟု ဦးမြတ်သူက ပြောသည်။

ကော့သောင်းမြို့ ရွှေပြည်သာရပ်ကွက်ရှိ သီတာလှေထောက်ကျင်းတွင် ပို့ထားခဲ့ခြင်းဖြစ်ကြောင်း ၎င်းက ဆက်လက်ပြောသည်။

လက်ရှိတွင် ထိုင်းရဲတပ်ဖွဲ့ က အမျိုးသားလုံခြုံရေးစီမံချက် နှင့်နိုင်ငံခြားသားလုပ်သားများ ဧည့်စာရင်းဥပဒေသစ်အကြောင်း ပြကာ အောက်တိုဘာ ၁ ရက်က စ၍ ရွှေ့ပြောင်းမြန်မာလုပ်သား များကို စစ်ဆေးဖမ်းဆီးနေသည်။ အောက်တိုဘာအတွင်း မြန်မာ လုပ်သား ၂,၅၀၀ ကျော်ကိုထိုင်းရဲ တပ်ဖွဲ့က ဖမ်းဆီးပြီးမြန်မာနိုင်ငံ သို့ ပြန်လည်လွှဲပြောင်းပေးခဲ့ သည်။လက်ရှိတွင် ဖမ်းဆီးခံမြန်မာ လုပ်သားများကို မဲဆောက်-မြ၀ တီဂိတ်မှ တရားဝင်ပြန်လည်လွှဲ ပြောင်းမှုများပြုလုပ်နေသည်။

ထိုင်းနိုင်ငံအပါအ၀င် ပြည် ပနိုင်ငံများသို့ သွားရောက်အလုပ် လုပ်ကိုင်လိုသည့် မြန်မာနိုင်ငံ သားများအနေဖြင့် လူကုန်ကူးမခံ ရရေးနှင့် လိမ်လည်ခံရခြင်းများ ဖြစ်ပွားနေသောကြောင့် မှန်ကန်သော ရွှေ့ပြောင်းသွားလာမှုဖြစ် ရေးပြည်ပနိုင်ငံများသို့ တရားဝင်နည်းလမ်းဖြင့် သွားရောက်လုပ်ကိုင်ရန် ထိုင်းနိုင်ငံဆိုင်ရာ မြန်မာသံရုံး၊ အလုပ်သမားသံအရာရှိရုံးက နိုဝင်ဘာ ၁၇ ရက်တွင် သတိပေးထုတ်ပြန်ထား သည်။

Credit......http://7daydaily.com/story/142877

                    မြန်မာအလုပ်သမားသေဆုံးမှု ပြန်လည်စစ်ဆေးရန် တောင်ကိုရီးယား တက်ကြွလှုပ်ရှားသူများတောင်းဆို

မြန်မာနိုင်ငံမှ ရွှေ့ပြောင်းအလုပ်သမားတဦးသေဆုံးမှုကို အသေးစိတ် ပြန်လည်စုံစမ်းစစ်ဆေးရန် တောင်ကိုရီးယား ဗုဒ္ဓဘာသာ ရဟန်းတော်များနှင့် တက်ကြွလှုပ်ရှားသူများက တောင်းဆိုလိုက်ပြီး စာရွက်စာတမ်း အထောက်အထားမရှိသော ရွှေ့ပြောင်းလုပ်သားများကို လိုက်လံရှာဖွေဖမ်းဆီးမှု ရပ်စဲရန်လည်း အစိုးရကို တိုက်တွန်းလိုက်သည်။

တောင်ကိုရီးယားနိုင်ငံ၏ အကြီးမားဆုံး ဗုဒ္ဓဘာသာဂိုဏ်းဖြစ်သော ဂျော့ဂျဲ တောင်ကိုရီးယား ဗုဒ္ဓဘာသာဂိုဏ်း မှ သံဃာတော်များနှင့် ရွှေ့ပြောင်းလုပ်သားအခွင့်အရေး တက်ကြွလှုပ်ရှားသူများသည် နိုဝင်လာလ ၁၉ ရက်နေ့က မြို့တော် ဆိုးလ်ရှိ သမ္မတရုံးသို့ တမိုင်ခန့် လမ်းလျှောက်ချီတက်ဆန္ဒပြခဲ့သည်။

၎င်းတို့သည် ဖြည်းဖြည်းချင်း ချီတက်ဆန္ဒပြစဉ်အတွင်း တောင်ကိုရီးယား ဗုဒ္ဓဘာသာ ဝတ်ပြုနည်းဖြစ်သော ကိုယ်ကိုကိုင်းညွှတ်ကာ နဖူး၊ လက်ဝါးများ၊ ဒူးများနှင့် ခြေချောင်းများကို မြေကြီးနှင့် ထိတွေ့အောင် ဝတ်ပြုခဲ့ကြသည်။

သြဂုတ်လက သေဆုံးခဲ့သောအသက် ၂၅ နှစ်အရွယ် မြန်မာရွှေ့ပြောင်းလုပ်သား သေဆုံးမှုကို ပြန်လည်စစ်ဆေးရန် ၎င်းတို့က အစိုးရကိုတောင်းဆိုသည်။ လူဝင်မှု ကြီးကြပ်ရေးအရာရှိများက တရားမဝင် အလုပ်သမားများကို စီးနင်းရှာဖွေရာ ဆောက်လုပ်ရေးလုပ်ငန်းခွင်မှ ထွက်ပြေးရန်ကြိုးစားစဉ် ထိုအလုပ်သမားသည် အဆောက်အအုံတခုမှ ပြုတ်ကျသေဆုံးခဲ့သည်ဟု ၎င်းတို့က ဆိုသည်။

သူ့ကို ဆေးရုံသို့အမြန်သယ်ဆောင်သွားခဲ့သော်လည်း ဦးနှောက်သေဆုံးသွားပြီဖြစ်ကြောင်း မကြာမီထုတ်ပြန်ကြေညာခဲ့သည်။ သူသည် သူ၏ခန္ဓာကိုယ် အစိတ်အပိုင်းများကို တောင်ကိုရီးယား လေးဦးသို့လှူဒါန်းခဲ့ပြီး စက်တင်ဘာလတွင် ကွယ်လွန်ခဲ့သည်။

တရားဥပဒေ စိုးမိုးရေး အရာရှိ တဦးက သူ၏ ခြေထောက်ကို ဖမ်းဆွဲလိုက်စဉ် သူပြုတ်ကျသွားခြင်းဖြစ်ကြောင်းသူ၏ လုပ်ဖေါ်ကိုင်ဖက်များကထွက်ဆိုကြသည်။ သို့သော် လူဝင်မှုကြီးကြပ်ရေးအရာရှိများသည် ထိုသေဆုံးမှုအတွက် တာဝန်မရှိကြောင်း ရဲတပ်ဖွဲ့၏ စုံစမ်းစစ်ဆေးမှုက ကောက်ချက်ချပြီး အမှုကို ပိတ်လိုက်သည်ဟု ကျွန်းယန် ရှင်မွမ် သတင်းကဖေါ်ပြသည်။

၎င်းတို့သည် ထိုဖမ်းစီးမှုတွင် ဥပဒေ လုပ်ငန်းအဆင့်ဆင့်အတိုင်း လိုက်နာခဲ့သည်ဟုလူဝင်မှုကြီးကြပ်ရေး အရာရှိများကပြောကြောင်း သတင်းက ဆိုသည်။

“အစိုးရအနေနဲ့ ဒီသေဆုံးမှုအတွက် တာဝန်ရှိတဲ့ အရာရှိကို ဖေါ်ထုတ်ပြီး အစိုးရရဲ့ ဖမ်းဆီးမှုတွေမှာ ရွှေ့ပြောင်းလုပ်သားတွေသေဆုံးတာကို တားစီးနိုင်ဖို့ အပြစ်ပေးသင့်တယ်” ဟု တောင်ကိုရီးယားမှ ပထမဆုံး ရွှေ့ပြောင်းလုပ်သားများ သမဂ္ဂမှ ယူဒါရာ ရိုင်ပြောသည်ဟု ကျွန်းယန် ရှင်မွမ် သတင်းကဖေါ်ပြသည်။

ထိုအလုပ်သမားသမဂ္ဂ၏ အဆိုအရ လွန်ခဲ့သော ဆယ်စုနှစ်အတွင်း လူဝင်မှုကြီးကြပ်ရေးအရာရှိများ၏ ဖမ်းဆီးမှုများတွင် သေဆုံးသော ရွှေ့ပြောင်းလုပ်သား စုစုပေါင်း ၁၀ ဦးရှိပြီဟု သိရသည်။

ကိုးကား ။ ။ UPI

Credit....to .....https://burma.irrawaddy.com/news/2018/11/22/175465.html